79% இந்தியர்கள் மேற்கத்திய உணவை சமைக்கிறார்கள்... அதிர்ச்சித் தகவல்..!

70% பதிலளித்தவர்களின் கூற்றுப்படி, முக்கிய சந்தர்பங்களைத் தவிர்த்து, நம் தினசரி உணவுக்கு பதில், மேற்கத்திய உணவு அதன் எளிமையான தயாரிப்பு காரனமாக மாற்றாகிறது.

Translated by: Ragavan Paramasivam (with inputs from IANS)  |  Updated: November 14, 2019 13:56 IST

Reddit
79% Indians Are Cooking Western Food In Their Kitchens, Reveals Survey

வீட்டில் மேற்கத்திய உணவுகளை தயாரிக்கும்போது குடும்ப உறுப்பினர்கள் கூட்டாக செய்கின்றனர்.

Highlights
  • 79% இந்தியர்கள் மேற்கத்திய உணவை சமைக்கிறார்கள்.
  • குழந்தைகள் மேற்கத்திய உணவை விரும்பி சாப்பிடுகின்றனர்
  • மேற்கத்திய உணவுகள் வீட்டில் சமைக்க எளிதாக உள்ளது.

இந்திய உணவு வகைகள் உலகெங்கிலும் பிரபலமான கவர்ச்சியான உணவுகளைக் கொண்டுள்ளன. அதோடு, இந்தியா உலகின் மேற்குப் பகுதியிலிருந்து வரும் உணவுகளையும் வரவேற்று கொண்டாடுகிறது. சந்தை ஆராய்ச்சி நிறுவனமான இப்சோஸ் நடத்திய 'தி எவோல்விங் இந்தியன் பேலட்' என்ற தலைப்பில் ஒரு சமீபத்திய ஆய்வில், 79 சதவிகித இந்தியர்கள் தங்கள் சமையலறைகளில் மேற்கத்திய உணவை சமைக்கிறார்கள், வாரத்திற்கு ஒரு முறையாவது, இது பெரும்பாலும் நுகரப்படுகிறது. மாலை அல்லது இரவு நேரத்தில் முழு உணவாகவும் எடுத்துக்கொள்ளப்படுகிறது. 14 நகரங்களில் கடந்த ஒரு மாதத்தில் வீட்டில் சமைக்காத மேற்கத்திய உணவை உட்கொண்ட மற்றும் மேற்கத்திய சாஸ்கள் உதவியுடன் குறைந்தது ஒரு மாதத்திற்கு ஒரு முறை மேற்கத்திய உணவை வீட்டிலேயே தயார் செய்யும் 1,000 வீடுகளுடன் கணக்கெடுப்பு நடத்தப்பட்டது.

"டாக்டர் ஓட்கர்-இப்சோஸ் கணக்கெடுப்பு, நகர்ப்புற இந்தியாவில் மேற்கத்திய உணவு நுகர்வு பழக்கவழக்கங்கள் குறித்த சில சுவாரஸ்யமான தகவல்களை வெளிப்படுத்தியுள்ளது. தற்போது, இந்தோ-வெஸ்டர்ன் இணைவு உணவுடன் தங்கள் சமையலறைகளில் உணவை பரிசோதிக்க நுகர்வோர்கள் மிகவும் வரவேப்பதைக் காண்பது உண்மையில் எங்களுக்கு ஊக்கமளிக்கிறது" என்று டாக்டர் ஓட்கர் இந்தியா & சார்க் நிறுவனத்தின் நிர்வாக இயக்குநரும் தலைமை நிர்வாக அதிகாரியுமான ஆலிவர் மிர்சா கூறினார்.

தயாரிக்க எளிமையாக இருபதே மேற்கத்திய உணவுகள் ஒரு வசதியான தேர்வாக அமைகிறது, என ஓட்கர் - இப்சோஸ் கணக்கெடுப்பு மேலும் வெளிப்படுத்தியுள்ளது. கணக்கெடுப்பின் முக்கிய கண்டுபிடிப்புகள் சுமார் 19 சதவீத குடும்பங்கள் மட்டுமே காலை உணவின் போது மேற்கத்திய உணவை உட்கொள்கின்றன, மேலும் இது சிறப்பு அல்லது கொண்டாட்ட சந்தர்ப்பங்களுக்கு தள்ளப்படுவதில்லை. 70% பதிலளித்தவர்களின் கூற்றுப்படி, முக்கிய சந்தர்பங்களைத் தவிர்த்து, நம் தினசரி உணவுக்கு பதில், மேற்கத்திய உணவு அதன் எளிமையான தயாரிப்பு காரனமாக மாற்றாகிறது.

மேற்கத்திய உணவுகள் மீது அதிகரித்து வரும் ஆர்வத்திற்கான முக்கிய தூண்டுதல்கள் "சமைக்க எளிதானது" (68 சதவீதம்) மற்றும் "குடும்பம் மற்றும் நண்பர்களுடன் பகிர்ந்து கொள்ள ஏற்றது" (57 சதவீதம்), " குழந்தைகள் விரும்பி அனுபவிக்கின்றனர் "(53 சதவீதம்) மற்றும்" விருந்தினர்களுக்கு சேவை செய்ய சிறந்தது "(46 சதவீதம்) என்று ஆராய்ச்சியின் மூலம் தெரியவந்துள்ளது.

வீட்டில் மேற்கத்திய உணவுகளைத் தயாரிப்பற்கு, குடும்பத்தில் ஐந்து பேரில் இருவர் தனது மனைவி (34 சதவீதம்), நண்பர் (23 சதவீதம்) அல்லது மற்றொரு குடும்ப உறுப்பினர் (38 சதவீதம்) போன்றவர்களின் உதவியுடன் உணவு தயாரிக்கிறார்கள் என்று ஆய்வு வெளிப்படுத்துகிறது. இது தவிர, இளையவர்கள் மேற்கத்திய உணவுகளை அதிகம் ஏற்றுக்கொள்கிறார்கள்.

"பாரம்பரிய உணவுப் பழக்கவழக்கங்கள் இருந்தபோதிலும், நகர்ப்புற இந்தியர்கள் பெரும்பாலும் மேற்கத்திய உணவு வகைகளை வரவேற்கின்றனர். அதிகமான மக்கள் தங்கள் வழக்கமான உணவுகளில் ஒரு பகுதியாக மேற்கத்திய உணவை எடுத்துக்கொள்கிறார்கள். இந்த மாற்றமத்திற்கு, எளிமையாக அணுகக் கூடிய தகவல்கள், நேர அழுத்தம் மற்றும் வளர்ந்து வரும் வாழ்க்கை முறைகள் ஆகியவை முக்கிய காரணிகளாகும்"என்று இப்சோஸின் நிர்வாக இயக்குனர் ஸ்ரேயோஷி மைத்ரா கூறினார்.

"சுவாரஸ்யமாக, இந்திய குடும்பங்களை உட்கொள்ளும் உணவுகளில் சராசரியாக மூன்று மேற்கு சாஸ்கள் (கெட்ச்அப் தவிர) உள்ளன, அவற்றில் மயோனைஸ் மற்றும் பாஸ்தா பீஸ்ஸா சாஸ் ஆகியவை தரவரிசையில் முதலிடத்தில் உள்ளன," என்று அவர் கூறினார்.

Comments

உணவு வகைகளைப் பற்றிய செய்திகள், ஆரோக்யக் குறிப்புகள், சமையல் குறிப்புகள் போன்றவற்றை தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

Advertisement
சமீபத்திய கட்டுரைகள்
Advertisement